Chapo tâwk chauâ ‘var’ an um â. Inngâi tlâwm khawpâ ‘var’ an um bawk.
Chapo hâi hi, mânî inngâi sângna leiâ ‘chapo’ an nih.
Chapo hâi hin mi dang hnâm an hlâw rawp hlak.
Mi var chun mi hnuoihnung tak hâiâ inthawk khawmin inchûk ding an nei rawp hlak.
Mi var chun thurâwn a lâk khâwm thiem hlak.
Mi var chun a ngâi sâng zâwng hâi thu hril chau a lâk el ngâi nawh.
Mi var hâi hi ngâi sâng an um lâi zingin, inti var hâi ruok chu an hnung tieng ‘nuisan’ an hlâw rawp hlak.
Mi inti var hâi hi an invêt lei chauâ inti var an nih.
Mi dang dêusâw zâwngâ ṭawng vet hâi hi ‘hnâmum’ an kâi vat hlak.
Mî thu hril ngâisak loâ, mâni nuom thû chau hril vet chîng hâi hin ruol ṭhâ an hmu el ngâi nawh.
Mi thiem hâi hi ngâi sâng an um. Inti thiem hâi ruok chu ‘nuizatum’ an ni rawp hlak.
Inti thiem nêkin thiem lo intî, thiem tum hâi hi ngâi sâng an um lem.
Tangka sum i hmang râwn leiin uong ngâi nâw rawh. Tlâwmtê bêk inkhâwl theiâ i um kha lâwm lem hlak rawh.
Mi dang nuna buoi ngâi nâw rawh. Inchûk ding i la hau hlê a nih tîa hin buoi lem rawh.
Mi dangin an thâw ding an thâw nâw leiin i lungril suksâwl ngâi nâw rawh. Pheikawk intar bun ang tho i nih. Hlîp el rawh.
Be First to Comment