Tawnmang Chang Sien! – V.K. Pangamte

Hnam rolung ienga sakhming mâwi,
Khûmtu lêng ve lo hiel dinga ngaiin;
Piengpui unau le lenruol ditum takhai,
Ringumna silfên inbela tle man tam;
Phatsantu chau tia chanchin invir vêl,
Tawnmang chang sien nuom a um ie!

Châwimâwina a phu leia rimâwi ri,
Tlâng intluona bâwmtu romei inzâm;
A ṭhieng ṭhienga inlâwina rûn bêlin,
Vul hun a sâwt nawzie lungril rila um;
A bâk mâksan neia la ṭuoi dinga fie,
Tawnmawng chang sien, innghilna!

Hmangaitu indik ngaia inuoi vêlin,
Sûn le zân inbûk tawna sukrê lovin;
Sûngril ril duthusâm khawm kim lo,
Châwlna ram um sia la’n rim zing;
Hmusittu khawvêla buoina nun ti’n,
Tawnmang chang sien, lemderna!

Intiem fel diema chawngpu nina sin,
Hmaisana a fel famkim naw thu chu;
Hnung innghatna tienga ṭuon zâi rêl;
Hrietpuitu an tlâwm leia sukchieng lo,
Rûn In suklumtu dinga ngai a liem a;
Tawnmang chang sien a thar lâwmin!

Hmangaina biethu intuok dân hre lo,
Lungâwi dân inchûk el ta naw chun;
Hringnun mumal taka hmang tum a,
La bo thei rama lêng vêl nun a harsa;
Puitling si lo dinga ṭawng khuoizu el;
Tawnmang chang sien a dam ding!