Chang ve tuma hnawt fan fan a țha,
Elrelna le hmusitna hnâwl ngamin;
Mâwi naw khawpa mi dang er lovin,
Mâni khawmin hmu le chang thei a;
A teirei pei ta dingin hun a la um ie,
Erna lungril ril put chu mi lungsietum.
Mi dang neinungna le hlawtlingna,
Inhnarna hi mihriema um nuom ve;
Incheinaa hmangin mâwina tling lo,
Entawn tlâk ni dinga insiem a hlu a;
Hrât tak le huoi taka um phawtin,
Erna mit intiempui si chu iengmalo.
Râwl thar le ngaituona thar a um,
Khawsakna rêl dân ding khawm;
Hi chena lampui hraw dinga tiem,
Sâwt tak dinga fepui a rem el dîm?
Khawvêl nun hi țapna le innuina,
Erna mizie put hi hmangaina khêl.
Fel nawna le tlin nawna rama hin,
A țha zâwnga thu ngaituo tlatin;
Sûng le kuo hai kâra thu tin remin,
Beidawng châng tam tak a tlung a;
Phun det le det naw a ni lem chun,
Mî insûng er chu hlâwkna um lo.
Hi bâka hin inzâwt ding a la um a,
Inelna rama châm sûnga vawngin;
A lo harsa deu khawm a ni thei ie,
Hne naw nun tia suol thaw lovin;
Mâni mihriem chanpuihai le inrem,
Erna lungril ril nei chu hadamna bo.
Bethel, Tuiṭhaphâi, 12:45 p.m. Thlaphal ni 7, 2020
Be First to Comment