Insûng Rêl Fel – Lallienzawn @ Zawni Hmar

1. Lal Hezekiâ khan fel takin ro rêl hlak sien khawm,
   A hring nunâ bângkhâi um chu, insûng rêl fel a nih
   Tî a hrietin, a khâwnbâwl, a mi var a râwn nawh.
   Lalpâ hma bula a tlu lût lem; A va ropui ngêi dê.

Thaw ro ei sûngkuoin Lalpâ hmaa tlu lût ei tîu.
Tû hi a nih hun ṭhâ ei nei sun chu muongchâng loin.
A nî, a thlâ hunbî ruot a ngâi nawh.
Bul ṭan ei t’â rêl fel ei tîu.

2. Fel lê ṭhâ intîna hâi hnâwl ngamin, pan lem ei tîu.
   Ei suksuolna hâi ngâidam dingin â’n pei zing a nih.
   Ei nîna ang takin Lalpâ chu pan ngam ei tîu.
   Chû huna chun, mal sâwmna lê hlâwtlingnâ chang ngêi ei tih.

3. I hrâtna lê theina hâi khawm i lo hmang ta hlak thei.
   Lal tâ dingâ inpe zo tak khawm i lo ni el thei.
   I thâw ding tak insûng rêl fel kha i thâw am leh?
   Tiâ indawnna hi i dawn fûk thei ngêi ding am ûnâu?

4. Lal Hezekiâ chu Lalpâ hma bula tlu lûtin.
   A ṭawngṭâinâ dawnin, a hringnun sukseiin a um.
   Nang lê kei khawm ei Lalpâ Pathien chun hieng hin a tih.
   I insûng rêl fel rawh i hun nei sûng, tî’n a mi biek zing.

5. Ei insûng nei lê rosum a bângkhâi ta nâw el thei.
   Sienkhawm ei nunâ chim vê lo bângkhâi ie’m a um â?
   A bângkhâi ei rêl fel ding tak chu zawng suok ei tîu.
   Kohran ram, Pathien ram ei insûng rêl fel zâi rêl ei tîu.