Ringtu ta dinga Isu Krista Thupêk
(Mrk.16:15; Matt. 28:9; Jhn.15:16; 20:19-20)
Isu Krista’n Ringtuhai kuoma thaw dinga thu a pêk chu khawvêl po poah Chanchin Țha puongsuok tding a nih a. Hi hi mimal, Insûng le Kohran angin ei thaw am? ti a nih.
- Insûnga hril dinga thupêk:
Chanchin Țha hril hin ei insûng sengah iengangin am ram a lâk a? Ka pasal, ka nuhmei, ka nu, ka pa, ka unauhai hin Sandamna an chang ta’m? ti hi ei infel hmask phawt a țul a. Isu hin ei Insungah Chanchin Țha hril dingin a mi ti a (Deut.6:7), chu sin chu ei thaw am le? Isu Krista sandamna chang lo dam ei insûngah ei la um pal chun ei Insungin thaw ding ei nei a nih. Annawleh Isu Krista hi hung thut sien sûngkhat laiah ințhena a um el di’m?
- Kohrana Chanchin Țha:
Ei kohran hi iem ei chang tawl a? Mani tuolsûng kohran seng chungtieng ei inlawi tlâng di’m? Ei indap a hun lai an naw maw? Annawleh ei kohran hi Chanchin Țha hril dinga thupêk hi ei ngaipawimaw am? Iengangin am hma ei lãk a? Kohrana sum inlawi enin Isu thupêk ei phursuokna dinga hmalaknaa hin iengzat percent am ni phâk a ta? Ei kohran hin sinpuitakah ei ngai am aw?
- Pênsuoka Missionary sin thaw:
Isu Krista tlanna sinthaw sunzawm dinga kona hrea zawmin mi tamtak pênsuok an um a. Chu zâra chun einihai khawm chanchin țha dawng ei nih a. Eini ang bawka suolin a la khitde zing, bohmang anni khawm la hre lo, hrehai khawm suokdawkna ding lampui hrelo hai san dingin mawphurna ei nei a ni ti ei inhriet am? Mani ngei pênsuokin fe thei naw inla khawm a fe hai ta dingin ei theitawk tawk thaw dinga mani ngeiah Krista hmamgainaa koin ei um am? Iengchen am Lalpa mi kona le thupêk hi ei zawm aw?
Hlaphuoktuin “Kalchhuak theilo pawhin mawhphurhna liantak an nei” a ti hi nangma nunah a tla nâ am aw? Lalpa thupek ei zawm hi ei chungah Lalpa a lawmna a ni a, ei zawm naw leh a lawmnaw ni ei hlaw nawk a ni si a.
Hriltlang dinga um hi mani Insûnga sengah hriltlang inla Lockdown ei hmang țangkai awm de. Ei thaw ding angin mimal le sûngkuoin ei thaw am ti zawna dâm hi sungkuo angin hriltlâng thei inla chu ei hlawkpui awm de.
Chun, ei hriltlang hnungah mimal le sûngkuo angin ei bâksamna le hmasawnna ding ei nei hai chu iengtinam inti tawl thei inla chu ei subject hi hun zalênlai nêkin ei hlawkpui lem el thei a nih.
Be First to Comment