DASANNGAM – V.K. Pangamte

A chîm bo dinga kan phal thei lo,
Sawrthlapui êng hnuoia lung kim;
Rûn In sûnga chêngtuhai tiemna,
Mi ṭhenkhatin pawm mil thiem lo;
Sîngmit inlênin a’n lang fie zuol a,
Tawng lovin nun a bâksam el ding.

Hringmi tin hriet dinga ditum thusam,
Siemtu indin leilung mâwizie lâwm;
Hei thlîr vêl hrim la, hriemmi lêngna,
Lam intluon le tlâng tluona hluo lum;
Châwl hadamna dinga hmun ṭha hlîr,
Vul lai hun hi inkhêlpui naw hrâmin.

Pakhat chau hlimna chu kim mawl lo,
A ruol le a pâwla hmu fie ditsak peiin;
Mimal hun hmang dân inchen lovin,
Pâr intêl anga sem thei chang sien;
Lung kim taka sem diel diel dingin,
Fieltu um naw khawma sûngril fang.

Châwl lova inzâwt ding a tam inthuo,
A tam ti chu phêk za tam a khûm dai;
Hrietpuitu an inbûm naw khawmin,
A taka dawng a hlu inthang hlie hlie;
Hriemmi tin damna zâwl-tlâng-ruom,
Zân thim elvartu, aw Sawrthlapui!

A sâwt tiel tiela a mâwi-var insâng,
Chel ngîr zing thei hlak ni si lovin;
A tiemtuhai lungril rila châm sâwt:
DA – Dr. David Buhril sakhming sak,
SAN – Mr. Lalringsan Zote ṭhang inril;
NGAM – Mr. V.K.Pangamte tiem rê lo.

‘DASANNGAM,’ Dam vawng vawng!