Bêngbereptû (Affix) – Joshua Neitham

Ieng am a ni zât ei nei. Chu hâi lâiâ ei hmang ngun bîk deu hâi chu – in, suk, tir, na, pêk an ni deu tak.

Hmang dân lê hmang hun hriet awlsam dân:

Suk:

Sâp ṭawnga a tlukpui thumal ṭhenkhat, downhill, to grind with a pestle, to speak/talk to/approach, hit/ram (as in hitting a wall or someone or something) kâwk lo po, hieng angâ ei hmang lo taphawt kha chu hma bel vawng el ding. Hi hi hma bel a ni hlak. Sukpung, suksiet, sukrem, sukbo lê a dang dang.

Tir:  

Sâp ṭawngâ a tlukpui thumal ṭhenkhat, send/ask/tell/order someone to do something kâwk lo po, mî thil thâw dingâ ei ‘tir’ tî lo po chu hnung bel vawng el hlak ding. Hi hi hnung bel a ni hlak. Infêtir, inthâwtir, inentir, inziektir lê a dang dang.

In:    

Sâp ṭawngâ a tlukpui thumal ṭhenkhat, house, sleep, you (plural pronoun, Hmâr ṭawngin – nangnî) kâwk lo po chu, hnung bel a ni nâw leh, hma belâ hmang a ni vawng hlak.

Hma bel (prefix):           insil, invuok, innui, inpâk lê a dang dang.

Hnung bel (suffix):       âr-in, vawk-in, Thanga-in, insilin, innuiin, inhrilin, inkoin lê a dang dang.

Na/nâ:

Sâp ṭawngâ a tlukpui thumal, ‘ear’ lê ‘pain’ kâwk lo po chu thumalâ ziek kawp vawng hlak ding. Hnung bel a ni hlak. Inṭhungnâ, infuinâ, inennâ, fênâ, hungnâ lê a dang dang.

Pêk:

Sâp ṭawngâ a tlukpui thumal ‘give’ tî lo chu hnung bel pei el hlak ding. Hnung bel a ni hlak. Thâwpêk, induongpêk, ziekpêk, pêkpêk, enpêk, fapêk, fêpêk, dawnpêk, tiempêk lê a dang dang.

—-

Hriet thiem awlsam zâwngâ ka hung ziek a nih. Hun remchâng enin, la hung tuihnî ka tum. Hieng hâi po hi ei hriet thiem â, ei man chieng a ni chun, ziek kawp lê ziek ṭhê chungchânga chu, ziek indikna kawnga ieng am a ni chen a mi ṭhangpui thei tâwl ka ring.