Râl a hrâng leia lampui khâra um,
Mi hrângsie intuokpui a khermei;
Inzinna boruok a pik sei, intângna,
Nuom le nuom naw thu hril lovin;
Hringmihai duthusâm a hlawsam;
Hun nuhnunga dâr inrîk a khâwk vêl.
Hringnuna khuoptu um naw chun,
A se tienga siet zuol thei pei niin;
Dân le dûn induong a pawimaw ie,
A kâwi zâwnga lâk nat a pawi vieu;
Hriltu ṭhenkhat hnawksak uma hril,
Dangtu bova zalên narân a ṭha nawh.
Hi hi chu mimal nun tia muongin,
Pakhat suol leia a dang sukpung;
Nu le pa ṭawngkam ngei vawng lo,
Inṭhangliennaa hmang nêka khir;
Inchûklai le zîrtirtu hai kâra thu ril,
Khitna um lova zalên suol a tam.
Nungchang ṭhenkhat a chang bîk,
A changtu suol leia a pumpui buoi;
Nun uluk a ni naw chun sietna nun,
A khawtlâng le a ram huopa inhnîng;
Duâmna le hmasielna a hluor inlâr,
Zalênna pal suol chu phaiphin nun.
Pêng hrang hranga chîm buoi nun,
Nu le nau incheina man tama pêng;
A man bova incheina hlu inthang chu,
Sawm hring pei dinga ditum changin;
Nungchang ṭha bawk chu damna tlo,
Zalênna hmang suol naw hrâmin aw!
Be First to Comment