Chatuon Dai Khrîstâ Lungpui – Lallienzawn @ Zawni Hmâr

1. Ringtu hâi tho ei tîu, ṭhanghar a hun, muong loin.
   Ieng salin am ei intâng â, en fel a hun.
   Dûâmnâ, hlêp rûknâ, chapona sal hâi mâw?
   Â’n hnuoina tieng a nih, fiertui thieng â luong lem chu.

Tui lo chêngkawl, dûm chêngkawl ang chau â.
Fûr ruo tui tlâk châng chauâ hung inlang â.
Ṭhâl tui kang phâtâ pil hmang nâwk el hlak ang.
Ringtû ei lo ni pal el am, en fel ei tîu.

2. Ei nungchang lê ṭawngbâu suok, mî hâiin an inkhî.
   Thlân lung nâl vâr sûngâ mî thi rû ang el chau.
   Sa hrâng mei nêkâ âr hmâi bo lû thlang lem hlak.
   Hmu theitû hmaâ la ngîr tlar ding ei ni si â.

3. Pastor lê Tirko an hung, chanchin ṭhâ puong darin.
   Âmên ei pêk, Hâlelui ei vawr, a ṭhâ, tî’n.
   An mi ṭînsan, Hâllelui rî a rê zo nghâl.
   Chatuon dai Khrîstâ lungpui ngheta innghat ngam rawh.

4. Lal sin thâw di’n thlang suok ei nih tîa khan chieng lâ.
   Lalpâ hmang di’n thlungna hruol hrui sût a ngâiâ.
   Hmang tlâk ni thei ding chun, inthlung a ngâi nâwk sî.
   Fîmkhur takin âw ringtû, ei hun tawng peia hin.