I Hrâtnâ Ringsanin – Lallienzawn @ Zawni Hmar

1. Ka hringnun tluonglam hrâw hâi ka thlîr kîr chângin,
   Lalpâ i mi ṭhuoi dân ropui ka tih.
   Tiem sêng ruol lo malsâwmnâ’n i mi vur,
   Ka phû lul nawh, ka chanâ i lo ruot hâi hi.

Ka lâwm ngêi ie Lalpâ, ka chungâ i ṭhatna hâi hi.
Rul lêt ding ni lang, rul zo nâw ning, Lalpâ.
Phût lêt lo hmangaina thil thlâwnpêk ka chang hi.

2. Lalpâ i berâm hâi châwmâ enkawl dingin,
   I hrâtnâ ringsanin thû kâ’n tiem ie.
   Ringum takâ i rawng bâwl thei dingin,
   Mi thlâthlam lul nâw lâ, mi chel zing rawh Lalpâ.

3. Dit lem thlang hlakâ kalchâwitû Lotâ angâ,
   Dit thlangâ kalchâwitû ni vê lo â.
   I dit dân lampui ka hriet theina di’n,
   Ka lam ṭhuom tina, lo ngîr pei rawh ka Lalpâ.

4. Josuâ angâ ṭhuoitu ṭhâ ni vê thei ding lê,
   Mosie angâ nunnêm zâidam ni â.
   Stefan angâ nang chau entû ni di’n.
   Thlarâuin mî’n thuom zing rawh, châu lê hrât nâw hi.