Kan La Phal Lul Nâw Chê – Lallienzawn @ Zawni Hmar

1. A mak ngêi âw thîna nunrâwng hung hrâng vêl chun.
   A lo her thliek chê mâw, vâng a duoi ie.
   I pâr vul ding nghâkâ kan thlîr zing lâi.
   Dang ruol lo zamuol liem chun a lo liempui chê.

Kan la phal lul nâw che âw FRT.
Buollei î’n chang el ding chu.
Ṭapin kan ko chê ie, i lenruol hâ’n.
Dawn zâi rêng rêl lovin mâw.
Fam vângkhuo i mî’n lâwisan el chu.

2. Martyr’s day hung tlung dingâ i thu tiem hâi.
   Hnêna puonzâr lê inlâwi ei t’â tî’n.
   Sien khawm riel tui ang a luong ral lem sî.
   Dâwn kîr chângin lunglâi rûk a dam thei mawl nawh.

3. Âw i famsan, i hliempui tuor rêng el kha.
   Dampui ruol ding hrim a lo ni naw ie.
   Lunglâi a nâ, lâi ril a fang vêl ie.
   Thei chang sien âw Khuonû rêl hi dang ngêi kan tih.

4. I hrai bûng dâwn tuoi siel ang hung inṭhang lienin.
   A zuopâ la hung zawng vêl ruoi a t’â.
   Chûnnû hril haiâ lung lam invâi ding.
   Hnêm zo theitû ding kan um nawh i lenruol hâi.

5. Nghil nî rêng um thei di’n kan ring nawh, i sakhmêl.
   Piellei thuo riet hnuoiah rûn rem lâ khawm.
   Râuthlâ bêkin hung lêng zie hlak lâ âw.
   I lenruol, i chûn lê zuo, i thâi hnêmtû di’n.