Rannung Nêl Suol – V.K. Pangamte

Mi suol le rûkru vêngnaa ṭangkâi,
Siet theina laka him theia innghat;
Duot le enkawl ṭhat khawm pawi lo,
Anachu, a taluo ruok chu a um a;
Nêl suol tam tak hril inlâr laiin,
Rannung nêl suol, a hrisêl kher nawh.

Ram sûnga chêng hriemmi nun enin,
Nghâknu le In neitu tam tak, nêlin;
Ring naw kârin natna ṭium a tlung,
Lâwm leia chêng hmunkhat tum ṭâlin;
Fîmkhur nachâng hriet lo le ngaitha,
Rannung nêl suol, a pawi nasa thei!

Suma inchangtir thei, rannung tamin,
Fâk le dâwn thila sukmil phêt khawm;
Ngai thiem le hmang thiem a tlo,
Lungril ril se tienga inhêm kher lovin;
A pawi sei hmaa ngaituona fîm neiin,
Rannung ṭhenkhat laka invêng, a ṭha.

Mi dang nuna buoi lem hi chu buoina,
Sawisêl le dem mizie sîra hnâwlin;
Thil ṭha tieng inhrilhrietna zâwmin,
Neinung ti leia nuom anga lâk lût;
Se thei hringnuna châm sûng hin,
Rannung nêl suol lo dingin, a tharin.

Natna hrik an pai thei a, an pai mêk,
Inkâisâwng thei a nizie hre chiengin;
Humhalna sin thaw chu entawn tlâk,
In sûnga inzalêntir taluo, a se zuol;
Chim leia ṭawng le ziek suok ni lovin,
Rannung phawt nêl chu, him mawl lo!