Rochan Ka Pêk Hâi Chê – Lallienzawn @ Zawni Hmar

1. Mi ngâidam rawh, Lalpâ, kei tlâktlâi lo lung mâwl tak hi.
   I mal sâwmna hlu tak rochan ka chang hâi hi.
   An pieng mâwina hâiâ, ka lung lo âwi tâwkin,
   Ka mâw phurna hâi hre loin ka lo ṭhung muong.

An nîna mî’n dawn nâw ni, ka Sandamtû chun.
Rochan ka pêk hâi chê i hung ṭhuoi kim am lê?
Tiâ indawnna râwl ka hriet hun a tlung phât,
Ka rochan hâi an kim tiin dawn thei ka tî’m?

2. Sandamna huong sûnga hung ro, ka hrailêng dâwntuoi hâi.
   Ṭhang ruolâ Lal sin thâw di’n ko lê fiel ei nih.
   Thei tâwp suoin, ei hun ṭha nei sun hâi tê hi,
   Sung kim tê’n lung ruolin Lal rawng bâwl tlâng ei tîu.

3. Hun tâwitê sûngâ ding chauvin, hringnâ, damnâ ei nei.
   Sakruong hmu lo hmêlhem thlafam ei chang khawmâ.
   Thlamuongnâ, damna famkim chu chang vê ngêi di’n,
   Damlâi nî hâi tiem dân thiem takin hmang ei tîu.

4. Khawvêl ropuina lê rosum inhlân zo nâw lang khawm.
   Chatuonâ kang nâwk ta lo ding tui hring vadung.
   Kâ’n hlân vê ngêi theina dingin, âw ka Lalpâ,
   Hrietnâ, varna lungril mi pe di’n ka ngên chê.

5. Thei tâwpâ i rawng bâwl vê di’n, kan hun nei sun hâi hi.
   I nuom dân ang takin mi hmang pei lâ Lalpâ.
   Suol tuipui lienin mi lo chîm buoi hlak sien khawm,
   Pil hmang lo di’n mi ṭhuoi rawh i ram tlung chenin.