Tirko hâi thu vawn hi, Îsû Khrîstâ ṭhuoihruoi 12 hâi ziek dawk angâ hril lê ring a ni tlângpui. Ziektû lê hril fietû ṭhenkhat chun, an thu hril chie ziek suok ni loin, thû an ihril hâi, an innghatna lê bêsan tak, Pathien thû lâk khâwm lê induong a ni lem tiin ngâi dân an nei. Kum liem pei hnungin, siem ṭhat lê sukdik met metâ a um hnungin, a hnuoiâ ang hin ziek suok a hung nih. A ieng po khawm chu lo ni sien, thu vawn hâi hi ei hei tiem chun, a thu innghatna tak chu Bâibul-â thu ziek hâi tho a nih tî hmû lê hriet theiin a um. Pathien hi pakhatâ mi pathum, Pa, Nâupâ lê Thlarâu Thienghlim a nî ziet thû khawm a hril bawk.
Iengkim thâw thei, Pâ Pathien,
Hnuoi lê vân siemtû chu kan ring
A nâu pakhat neisun Lalpa Îsû Khrîstâ kan ring
Amâ chu Thlarâu Thienghlimin nunghâk inthieng Mârî â’n pâitirâ
Pontia Pilat-in nasa takin a intuortir â,
Khêng betin a um â,
A thi â, Phûmin a umâ,
Mî thi khuo a zu fêin,
Ni thum niin thînaâ inthawkin a tho nâwk â,
Vâna a lâwn â,
Iengkim thâw thei Pathien chang tieng a hang ṭhung ta â.
Chu takâ inthawk hung ṭumin,
Mi hring lê mi thî hâi ro rêlpêk dingin.
Thlarâu Thienghlim kan ring â,
Mî po po tâ dingâ Kohran Thienghlim,
Mi thienghlim hâi inpâwl khâwmna lê suol hâi ngâidamnâ
Taksa tho nâwkna lê Chatuon hringna leh.
Âmên.
Be First to Comment